पार्टीको प्रमुख पदमा बस्ने, चुनाव हार्ने नेताहरुले पदबाट राजीनामा दिनुपर्छ- महेन्द्र ब.शाही
२ पुस, काठमाडौँ । पार्टीको प्रमुख पदमा बस्ने चुनाव हार्ने नेताहरुले पदबाट राजीनामा दिनु पर्ने नव-निर्वाचित संसद महेन्द्र बहादुर शाहीले बताएका छन् ।
आज काठमाडौँमा कालिकोट-काठमाडौँ सम्पर्क समन्वय समितले आयोजना गरेको बधाईज्ञापन तथा अन्तरक्रिया कार्यक्रममा बोल्दै नव- निर्वाचित संसद शाहीले पार्टीको प्रमुख पदमा बसेर चुनाव हारेका नेताहरुले राजीनामा दिनुपर्ने बताएका छन् ।
उक्त कार्यक्रममा नव-निर्वाचित शाहीले भने आफ्नो व्यक्तिगत स्वार्थको लागि मात्र पद र कुर्चीमा पुग्नेका नेताहरु चुनावमा पराजित भए पछि नयाँ पुस्तालाई हस्तान्तरण गर्न वा राजीनामा दिनुपर्ने उनले बताएका छन् । यो लोकतान्त्रिक अभ्यासमा भइसकेको छ । अब कम्युनिष्टमा हुनु पर्ने बताएका छन् ।
कालिकोट विकास र समृद्धको लागि अव युवाले आफ्नो वडा आफैले विकास गर्नु पर्ने आग्रह गरेका छन् । आफ्नो क्षेत्रको विकास आफुबाटै नै सम्भव रहेको बताएका छन् । हाम्रो ठाउँको विकास अरुले गर्देला भनेर बसेर हामी धेरै पछि परिसकेका छौँ ।
त्यसैले शहरमा रहेका युवाले शहर र गाउँमा भएका नेताले गाउँ तिर जुटेर कालिकोटको संग्रह विकास गर्नु पर्ने जोड दिएका छन् । त त्यो पार्टी म यो पार्टी होइन । आफ्नै दाजुभाई सोचेर विकास निर्माणको कार्यमा सहयोग गर्नसमेत आग्रह गरेका छन् ।
कार्यक्रममा मुख्य अतिथि महेन्द्र बहादुर शाही रहेका थिए भने विशेष अथिति नव-निर्वाचित प्रदेश संसद दुर्ग बहादुर शाही र समानुपातिक संसद यशुदा न्यौपाने(पुर्णिमा)र खाँडाचक्र नगरपालिका ४ का वडा अध्यक्ष प्रभानान्द्र आचार्यलगायत नेता कार्यकताको उपस्थिति रहेको थियो ।
काठमाडौँ नयाँ बानेश्वरको बानेश्वर बहुमुखी क्याम्पसको सभाहलमा भएको कार्यक्रममा काठमाडौँमा रहेका कालिकोटका विभिन्न पेशाकर्मी, पत्रकार, कलाकार, समाजसेवी, कर्मचारी लगायतको सहभागिता रहेको थियो ।
