२५ असोज, काठमाडौँ ।बडादशैँको अवसर पारेर कोटे अल इन वन रिसोर्टले प्रत्यक्ष सांगितिक कार्यक्रम गर्ने भएको छ ।
काठमाडौँ टोखास्थित झोरमा रहेको रिसोर्टमा यही असोज २८ गते साँझ साढे ३ बजेदेखि साढे ७ बजेसम्म लाइभ म्युजिक प्रोग्राम हुने रिसोर्टका सञ्चालक कृष्ण पौडेलले जानकारी दिनुभयो । उक्त कार्यक्रममा अनलिमिटेड स्न्याक्स, डिनर सहित ड्रिङ्कस्को समेत व्यवस्था गरिएको छ । कार्यक्रममा चर्चित तथा सदावहार गायिका चन्दा खत्री र शेर थामीको प्रस्तुती रहने छ । कार्यक्रमका लागि एकल टिकट २५ सय, युगल टिकट ४ हजार र परिवार टिकट ६ हजारको रहेको छ । लोकल परिकारको स्वाद समेत प्रदान गरिने आयोजकले जनाउनु भयो।
