६ भदौ, काठमाडौं । काठमाडौंको शंखमुलस्थित ज्ञान निकेतन स्कूलमा छिरेको अनियन्त्रित भैँसीलाई नियन्त्रणमा लिन लठ्याउने सुई हानिएको छ । स्कूलभित्र रहेको भैँसीलाई लठ्याएर नियन्त्रणमा लिन सुई हानिएको प्रहरीले जनाएको छ
लठ्याएर नियन्त्रणमा लिएपछि भैँसीलाई वन कार्यालयमा बुझाउने तयारी छ । प्रहरीले भैँसी नियन्त्रणमा लिन वन कार्यालयको टोलीलाई बोलाएको प्रहरी वृत्त नयाँ बानेश्वरले जनाएको छ ।
करिब पौने ८ बजे विद्यालयको हाताभित्र छिरेको भैँसीलाई नियन्त्रणमा लिने प्रयास प्रहरीले गरिरहेको छ । बुधबार बिहान काट्न लागेको भैँसी भागेर स्कूलभित्र पसेको हो । स्कूलभित्र पस्नुअघि भैँसी शंखमुल सडकमा दौडिँदा केहीबेर भागदौड मच्चिएको थियो । भागदौडमा केही व्यक्ति घाइते सामान्य समेत भएका छन् ।
