३२ साउन, काठमाडौँ । एफसी कप छनोटको प्ले अफ चरणबाटै नेपाली टोली मछिन्द्र बाहिरिएको छ। बुधबार राति भएको खेलमा मछिन्द्र क्लब भारतको मोहन बगान सुपर जायन्टसँग ३-१ गोल अन्तरले पराजित हुँदै प्रतियोगिताबाट बाहिरिएको हो।
यो पराजयसँगै मछिन्द्र एएफसी कप छनोट चरणबाटै बाहिरिएको छ। भारतमा भएको खेलमा मछिन्द्र मोहन बगानसँग ३-१ गोलअन्तरले पराजित भएको हो।
मोहन बगानका लागि अनवर अलीले २ तथा जेसन कमिंग्सले १ गोल गरे। मछिन्द्रका लागि मेसुके ओलोमोउको गोल सान्तवना सावित भयो। मछिन्द्रले पहिलो चरणमा भुटानको पारो एफसीलाई ३-२ गोलअन्तरले पराजित गर्दै दोस्रो चरणमा प्रवेश गरेको थियो।
अब मोहन बगानले प्लेअफको फाइनलमा अवाहानी लिमिटेड ढाकाको सामना गर्नेछ। बुधबार नै भएको प्लेअफको अर्को खेलमा अवाहानीले क्लब इगल्सलाई २–१ ले हराएको थियो।
