२३ साउन,कास्की । पोखराको सेती नदीमा खसेर एक जना साइकलयात्री बेपत्ता भएका छन्।
बेपत्ता हुनेमा बागलुङको बडिगाड गाउँपालिका घर भएका ३५ वर्षीय भक्तबहादुर राना रहेका छन् । पोखरा ३३ बागमाराबाट पटनेरीतर्फ साइकलमा आउँदै गरेका राना मंगलबार बिहान पोखरा २९ पटनेरीस्थित सेती नदीमा खसेर बेपत्ता भएका कास्की प्रहरीले जनाएको छ ।
जिल्ला प्रहरी कार्यालय कास्कीका प्रवक्ता डीएसपी श्रवणकुमार विककाअनुसार बागलुङ बडीगाड गाउँपालिका वडा नम्बर ४ घर भइ पोखरा–३३ बागमारा बस्ने राना बिहान पौने १० बजेतिर सेतीमा खसेका हुन् ।
इलाका प्रहरी कार्यालय शिशुवाले अहिले उनको खोजी गरिरहेको छ ।
