२२ साउन, काठमाडौं। नेपाली अलराउन्डर दीपेन्द्रसिंह ऐरी सम्मिलित मोन्टेरियल टाइगर्सले ग्लोबल टी–२० क्यानडा (क्रिकेट) २०२३ को उपाधि जितेको छ।
सन्दीप लामिछाने सम्मिलित सर्रे जगुअर्सलाई पाँच विकेटले पराजित गर्दै टाइगर्सले उपाधि जितेको हो । टस हारेर पहिले ब्याटिङको निम्तो पाएको जगुअर्सले २० ओभरमा ५ विकेट गुमाउँदै १३० रन बनाएको थियो। जितका लागि १३१ रनको विजयी लक्ष्य पछ्याएको मोन्टेरियलले निर्धारित २० ओभरमा ५ विकेट नै गुमाएर पूरा गर्यो।
मोन्टरियलको जितमा नेपाली खेलाडी दिपेन्द्र सिंह ऐरीले १७ बलमा १६ रन बनाएर रिटायर्ड आउट भएका थिए । दिपेन्द्रले यस सिजनका ८ खेलमा १४३ रन बनाएका छन् । यसअघि पहिला ब्याटिङ गरेको सर्रेले २० ओभरमा ५ विकेट गुमाएर १३० रन बनाएको थियो ।
टाइगर्सको जितमा दीपेन्द्रले १७ बलमा एक चौकासहित १६ रन बनाउँदै रिटायर आउट भएका थिए । फाइनल खेलमा सन्दीप भने विकेटविहीन रहे । दीपेन्द्रले पहिलो पटक कुनै अन्तर्राष्ट्रिय लिग खेलेका थिए । अब दुवै खेलाडी नेपाल फर्किएर एसिया कपको तयारीमा जुट्नेछन् ।
