१९ साउन,विराटनगर । सुनसरी र मोरङका विभिन्न स्थानमा असारयता मात्रै आधा दर्जनभन्दा बढी शृङ्खलावद्ध लुटपाटका घटना भएका छन्।
कोशी प्रदेश प्रहरी कार्यालयका अनुसार शुक्रबार विराटनगरबाट धरानका २९ वर्षीय सुजन तामाङलाई पक्राउ गरिएको हो। यस प्रकरणमा प्रहरीले हालसम्म ५ जनालाई पक्राउ गरिसकेको छ।
तर, अहिले हत्या, लुटपाट एवं डकैतीमा संलग्न हतियारधारी गिरोहका चार जनालाई प्रहरीले पक्राउ गरिसकेको छ। फरार रहेका अन्य केही व्यक्तिको खोजी जारी छ। मिहीन अनुसन्धान गर्दै प्रहरी गिरोहसम्म पुग्न सफल भएको हो।
मोरङको लेटाङ नगरपालिका–४ स्थित जंगलमा असार १३ गते साँझ ७ बजेतिर खुकुरी देखाएर अप्सरा भनिने कृष्णमाया तामाङमाथि लुटपाट गरियो। प्रदेश १–०२–०५० प ९३८६ नम्बरको स्कुटरमा कानेपोखरीबाट लेटाङतर्फ जाँदै गर्दा लेटाङ–६ की तामाङको साथमा भएको १५ हजार रूपैयाँ नगद र मोबाइल तीन जनाको समूहले लुटेर लग्यो।
सुन लुटेर लागुऔषध र हतियार खरिद
प्रहरी अनुसन्धानका क्रममा उनीहरुले लुटपाट गरिएका मोबाइल, गहनालगायतका सामान भारतको जोगवनी पुर्याएर बिक्री गर्ने गरेको खुलेको छ। साउन ५ गते बेलुका चौधरीको हत्यापछि लुटेराहरु चारकोसे जंगलभित्रबाट भागेर इटहरी हुँदै विराटनगर निस्किएको प्रहरीको भनाइ छ।
यसक्रममा उनीहरुले चौधरी र उनको साथमा रहेकी युवतीबाट लुटेको सिक्री र मोबाइल भारतको जोगवनीमा लगेर बिक्री गरेका थिए। प्रहरीका अनुसार चौधरीको हत्यामा प्रयोग गरिएको पेस्तोल त्यसअघि लुटिएका गहनासँग साटेर विराटनगर आएको देखिएको छ।
