१८ ,साउन ,काठमाडौँ । काठमाडौंमा गुण्डागर्दी गर्ने ५ जना पक्राउ परेका छन् । बौद्ध र जोरपाटीमा गुण्डागर्दी गर्ने विक्की लामासहित ५ जनालाई प्रहरीले पक्राउ परेका छन् ।
लामा रामेछाप गोकुलगंगा गाउँपालिका वडा नं ६ घर भई हाल काठमाडौं गोकर्णेश्वर नगरपालिका ८ जोरपाटी बस्ने २८ को बाफ्लेले सर्वसाधारण व्यक्तिहरूसँग अनावश्यक विवाद गरी डरत्रास, तर्साउने गर्नुका साथै सर्वसाधारणहरूलाई कुटपिटसमेत गर्ने गरेका थिए।
लामा सहित पक्राउ पर्नेमा सिन्धुपाल्चोकको मेलम्चीका ३४ वर्षीय श्यामबहादुर लामा, मेलम्चीका ३६ वर्षीय भीमबहादुर बस्नेत, ३५ वर्षीय गोविन्द गजमेर,र चौताराका ३५ वर्षीय प्रविण तामाङ रहेका छन्।
उनीहरु जोरपाटी बौद्धमा सर्वसाधारण व्यक्तिहरूसँग अनावश्यक विवाद गरी डरत्रास, तर्साउने गर्नुका साथै सर्वसाधारणहरूलाई कुटपिट, गैरकानुनी रूपमा रकम माग गर्ने लगायतका अपराधिक गतिविधिमा संलग्न रहेका थिए ।
