१८ साउन ,काठमाडौँ । नेपाली बजारमा सुनको मूल्यमा आज घटेको छ ।
हिजो सुनको मूल्य प्रतितोला एक लाख १२ हजार चार सय रुपैयाँमा कारोबार भएकोमा आज दुई सय रुपैयाँले घटेको हो । आज छापावाल सुनको मूल्य तोलामा एक लाख १२ हजार दुई सय रुपैयाँ रहेको नेपाल सुनचाँदी व्यवसायी महासंघले जनाएको छ ।
तेजावी सुनको मूल्य प्रतितोला एक लाख ११ हजार ६५० रुपैयाँ रहेको छ । त्यस्तै, आज चाँदीको मूल्य पनि घटेको छ । हिजो चाँदीको मूल्य प्रतितोला एक हजार चार सय ६० रुपैयाँमा कारोबार भएकोमा आज घटेर एक हजार ४२५ रुपैयाँ मूल्य कायम भएको महासंघले जनाएको छ ।
