१० साउन, काठमाडौँ । प्रहरीले अवैध भारतीय रुपैयाँ र स्रोत नखुलेको नेपाली रुपैयाँसहित १ जनालाई पक्राउ गरेको छ ।
मंगलबार साँझ सवा ६ बजेतिर ४७ वर्षीय सुनिलकुमार गुप्तालाई २४ लाख १३ हजार २५५ नेपाली रुपैयाँ र १४ लाख ९४ हजार ९२० भारतीय रुपैयाँसहित पक्राउ गरिएको जिल्ला प्रहरी कार्यालयले जनाएको छ ।
स्थानीय रामदेव बर्माको घरमा कोठा भाडा लिई अवैध रूपमा भारतीय रुपैयाँको कारोबार गरिरहेको भन्ने सूचनाको आधारमा खटिएको प्रहरी टोलीले खानतलासी गर्दा कोठामा लुकाइछिपाई राखेको अवस्थामा स्रोत नखुलेको नेपाली र भारतीय रुपैयाँ गरी ४८ लाख ५ हजार १२७ रुपैयाँसहित गुप्तालाई नियन्त्रणमा लिइएको हो ।
पक्राउ परेका गुप्तालाई थप अनुसन्धान गर्न बरामद पैसासहित बुधबार राजस्व अनुसन्धान कार्यालय बुटवलमा बुझाइने प्रहरीले जानकारी दिएको छ ।
