कालिकोट। रास्काेट नगरपालिकाकाे ब्यक्तिगत घटना दर्ता शिविर आज देखि सुरू भएकाे छ। सप्ताहव्यापी संचालन हुने शिविरकाे उद्घाटन एक समाराेहका बीच नगर प्रमुख धर्मराज शाहीले गरेका हुन् ।
नगरप्रमुख शाहीले रास्काेट नगरपालिका वडा नं १ का सताब्दि संज्यालकाे जन्म दर्ता प्रमाणपत्र र जेष्ठ नागरिक माने तिरुवालाई सामाजिक सुरक्षा परिचय पत्र हस्तान्तरण गरि शिविरकाे उदघाटन गरेका हुन् ।
असार १७ देखि २३ गते सम्म संचालन हुने ब्यक्तिगत घटना दर्ता शिविरलाई पुर्णरूपमा अनलाइन प्रणालीबाट संचालन गरिएकाे छ।शिविरकाे उद्रघाटन गर्दे नगर प्रमुख शाहीले रास्काेट नगरपालिकालाई पुर्ण डिजिटल नगरपालिका बनाउने बताएकाछन् ।
उनले जेष्ठ नागरिक ७० बर्ष भन्दा माथि र अति अशक्त ब्यक्तिलाई आगामीआथिर्क बर्षमा घर आँगनमा नै सामाजिक सुरक्षा भत्ता वितरण गर्ने गरि काम भइरहेकाे बताए ।
जनताकाे सेवाका लागि नगर सरकार सदैभ तयार रहेकाे र चुनाबताका धाेषण पत्र क्रमश कार्यान्वयन गरिने नगर प्रमुख शाहीले बताए ।
कार्यक्रमा प्रमुख प्रशासकीय अधिकृत जवानसिहं बमले अबका दिनमा सामाजिक सुरक्षा तथा ब्यक्तिगत घटना दर्ता सम्बन्धि कुनै समस्या नहुने बताए ।
