२० असार, कालिकोट। कर्णली प्रदेश सान्नि त्रिवेणी गाउँपालिका अध्यक्ष महेशबहादुर केसीले आर्थिक वर्षको अन्त्य (साउन)सम्ममा सडक सञ्जालमा नजोडिएका वडालाई सडक सञ्जालले जोड्ने र भएका सडकको स्तरोन्ति गरिसक्ने बताएका छन् । पालिका खबरसँगको कुराकानीका क्रममा अहिले अघिल्लो अर्थिक वर्षका योजनाको अनुगमन भइरहेको बताउँदै उनले यस्तो बताएका हुन् ।

अहिले पालिकामा कार्यान्वयनमा रहेका योजनाको अनुगमन भइरहेको बताउँदै उनले कार्यसम्पादनका आधारमा भुक्तानी गरिने बताए । योबीचमा ज्येष्ठ नागरिकलाई घरमै गएर भत्ता उपलब्ध गराएको बताउँदै भने,‘हामीले शिविर सञ्चालन गरेर ज्येष्ठ नागरिकलाई भत्ता उपलब्ध गराएका छौँ । अब उहाँहरुले भत्ताका लागि कार्यालय धाइरहनुपर्दैन हामी आफैँ पुर्‍याउँछौँ ।’