काठमाडौं । बलिउड अभिनेत्री कटरिना कैफ र अभिनेता विक्की कौशल विवाह बन्धनमा बाधिँएका छन् । विक्की र क्याट्रिनाले बिहिबार सवाई माधोपुरको सिक्स सेन्स फोर्ट बर्वरामा शाही शैलीमा विवाह गरेका हुन् ।
विवाहमा महँगो के पनि काटिएको थियो । केकको मूल्य ३–४ लाख रहेको भारतिय मिडियामा बताइएको छ । विवाहमा कटरिना र विक्कीका अफन्त र कलाकारहरु सहभागी भएका थिए ।
विक्की–क्याट्रिनाले विवाह गरेको किल्लाको नाम सिक्स सेन्स फोर्ट राखिएको छ। यो ऐतिहासिक किल्ला ७ सय वर्ष पुरानो हो भने यहाँ एक रात बस्नका लागि प्रतिव्यक्ति ९० हजार भारु तिर्नुपर्ने बताइएको छ।
यस होटेलमा धेरै सुइटहरू छन् । सबैभन्दा महँगो सुइटको एक दिनको भाडा भारु ७ लाख रुपैयाँ छ । यहाँ सयभन्दा बढी कोठाहरू छन् । यस किल्लाको वास्तविक नाम चौथका बरवाडा हो ।
बिहेमा पत्रकारहरूलाई निषेध गरिएको थियो । आमन्त्रण गरिएका पाहुनालाई समेत फोटो तथा भिडियो क्लिप खिच्न मनाही गरिएको थियो ।
