१८ वैशाख, काठमाडौं । राष्ट्रिय स्वतन्त्र पार्टी (रास्वपा)को केन्द्रीय समिति र संसदीय दलको बैठक आज बस्दैछ । केन्द्रीय समितिको बैठक बिहान ११ बजे र संसदीय दलको बैठक दिउँसो ३ बजे पार्टी कार्यालय बसुन्धारामा बस्न लागेको हो ।
केन्द्रीय समितिको बैठक पार्टी कार्यालय बसुन्धरामा बिहान ११ बजेलाई तय गरिएको पार्टी प्रवक्ता मुकुल ढकालले सेतोपाटीलाई जानकारी दिए ।
प्रधानमन्त्री पुष्पकमल दाहालले आइतबार विहान पार्टी सभापति रवि लामिछानेसँगको भेटमा सरकारमा सहभागी हुन आग्रह गर्नुभएको थियो । तर लामिछानेले भने कुनै प्रतिक्रिया दिनुभएको छैन । आज बस्ने बैठकले सरकारमा सहभागी हुने वा दिएको समर्थन फिर्ता भन्ने विषयमा निर्णय लिन सक्नेछ ।
