५ वैशाख एजेन्सी । रुसका विपक्षी राजनीतिक कार्यकर्ता कारा मुर्जालाई देशद्रोह र युक्रेन युद्धको आलोचना गरेको अभियोगमा २५ वर्षको जेल सजाय सुनाइएको छ।
रुसी राष्ट्रपति भ्लादिमिर पुटिनको आलोचना गरेको कारण जेलमा परेका उनी रुसी–बेलायती पूर्व पत्रकार हुन्। उनले आफूमाथि लगाइएका आरोपको खण्डन गर्दै मुद्दाको निन्दा गरेका छन्। गत हप्ता उनले भनेका थिए, ‘मैले जे भनेँ त्यो सत्य हो। मलाई एक शब्द पनि पश्चाताप छैन। मलाई गर्व छ।’
४१ वर्षीय मुर्जाले पश्चिमी सरकारहरूलाई रुसी अधिकारीहरूमाथि मानवअधिकार उल्लंघन र भ्रष्टाचारको आरोपमा प्रतिबन्ध लगाउन अनुरोध गरेका थिए।
मुर्जालाई एक वर्षअघि मस्कोमा पक्राउ गरिएको थियो । त्यतिबेला प्रहरी अधिकारीको अवज्ञा गरेको भन्दै उनलाई पक्राउ गरिएको थियो तर हिरासतमा लिएपछि उनीमाथि गम्भीर आरोप लगाइयो ।
त्यतिबेला प्रहरी अधिकारीको अवज्ञा गरेको भन्दै उनलाई पक्राउ गरिएको थियो तर हिरासतमा लिँदा उनीमाथि गम्भीर आरोप लगाइएको थियो।
