२५ चैत, काठमाडौं । काठमाडौं महानगरपालिकाका मेयर बालेन्द्र साहले सिंहदरबारका नेताहरुलाई ल्याण्डफिल साइट रहेको सिसडोलमा डम्पगर्नु पर्ने बताएका छन् ।
शनिबार, मेयर शाहले सामाजिक सञ्जालमा एक स्टाटस लेख्दै सिंहदरबारको फोहोर नउठ्ने र सिंहदरबारका नेताहरुलाई सिसडोलमा डम्प गरे देश सफा हुने बताएका हुन् ।
कलाकारसमेत रहेका मेयर साहले कलाकारिताकै भाषामा लेखेका छन्, ‘आजबाट सिंहदरबारको फोहोर उठ्दैन । साँच्चिकै देश सफा गर्नु परे, त्यहाँका नेताहरूलाई सिस्डोलमा डम्प गर्नुपर्ने हुन्छ ।’
