२३ चैत, काठमाडौं। इन्डियन प्रिमियर लिग आईपीएलमा राजस्थान रोयल्समाथि पञ्जाव किंग्सले पाँच रनको रोमाञ्चक जित निकालेको छ ।
अन्तिम ओभरमा राजस्थानलाई जितका लागि १६ रन चाहिएको अवस्थामा साम करनले १० रनमात्र दिएपछि पञ्जावले पाँच रनको रोमाञ्चक जित निकाल्यो ।
टस हारेर पहिले ब्याटिङ गरेको पञ्जावले निर्धारित २० ओभरमा ४ विकेट गुमाएर १ सय ९७ रन बनाएको थियो । जवाफी लक्ष्य पछ्याएको राजस्थानले २० ओभरमा सात विकेट गुमाएर १ सय ९२ रनमात्रै बनाउन सक्यो ।
आईपीएलमा आज कोलकाता नाइट राइडर्स र रोयल च्यालेन्जर्स बैंगलोरबीच नेपाली समय अनुसार राति पौने आठ बजे खेल हुनेछ ।
