शनिबार ललितपुरको बाँडेगाउँस्थित किशुनजी आश्रममा पुगेर उपप्रधान एवं रक्षा मन्त्रीसमेत रहेका खड्काले आफूले मन्त्री मात्रै नबन्ने भनेको स्पष्टीकरण दिए।

‘अहिले सामाजिक संजालमा मन्त्री खान्न भन्नुभयो तर मन्त्री बन्नुभयो भनेर आइरहेको छ’, खड्काले भने, ‘मैले उपप्रधानमन्त्री बन्दिनँ भनेर कहिले भनेको थिएँ? मैले मन्त्री बन्दिनँ भनेको हो। यदि उपप्रधानन्त्री बिनाको प्लेन मन्त्री भएको भए म हुन्थिनँ।’

अहिले आफू मुलुकको उपप्रधानमन्त्री छु भन्ने कुरा शुभचिन्तक र टिप्पणीकर्तालाई स्पष्ट पार्न चाहेको उनले उल्लेख गरे। आफू वचनबाट दायाँबायाँ नभएको पनि उनले जिकिर गरेका छन् ।  आफू धेरै पटक मन्त्री बनिसकेको भन्दै अहिले मन्त्री नबन्ने घोषणा गरेको खड्काले स्मरण गरे।