३ चैत्र, दाङ। राष्ट्रिय प्रजातन्त्र पार्टी (राप्रपा)ले राष्ट्रपति र उपराष्ट्रपति निर्वाचन वहिस्कार गरेको छ।
राप्रपाको बुधबार बसेको केन्द्रीय कार्यसम्पादन समितिको बैठक उपराष्ट्रपति निर्वाचनको मतदानमा तटस्थ बस्ने निर्णय गरिसकेको नेता राजाराम श्रेष्ठले बताए। फागुन २५ गते भएको राष्ट्रपतिको निर्वाचनमा पनि राप्रपा सहभागी भएको थिएन।
गत बुधबार बसेको पार्टीको केन्द्रीय कार्यसम्पादन समितिको बैठकबाट राष्ट्रपति निर्वाचनमा जस्तै उपराष्ट्रपति निर्वाचनमा पनि भाग नलिने निर्णय गरेको थियो । राप्रपाका १४ संघीय सांसद र २८ प्रदेशसभा सदस्य मतदाता छन् ।
निर्वाचनमा नेकपा (एमाले) का अष्टलक्ष्मी शाक्य (बोहरा), जनमत पार्टीका ममता झा र जनता समाजवादी पार्टीका रामसहायप्रसाद यादव उम्मेदवार छन्। आज बिहान १० बजेदेखि ३ बजेसम्म मतदान हुने छ।
