२७ फागुन, काठमाडौं । नेताका घरमा गएर चाकरी गर्नेलाई भन्दा विद्यार्थीको हक हितको लागि लड्नेलाई स्ववियु निर्वाचनमा टिकट दिनुपर्ने काँग्रेसका युवा तथा प्रभाशाली नेता भुपेन्द्र जङ शाहीले बताएका छन् ।
शाहीले स्ववियु चुनावमा सत्ता गठबन्धन भएको हाँस्यास्पद भएको बताएका छन् । शनिबार स्ववियु चुनावका लागि क्याम्पसहरूमा उम्मेदवारकाे मनोनयन गरिएकाे छ ।
उनले सामाजिक संजालमा लेखेका छन् ” स्वतन्त्र विद्यार्थी युनियनको निर्वाचन भनेको विद्यार्थीहरुले नेत्तृत्व विकास र व्यक्तित्व विकास को लागि स्वतन्त्र रुपमा गरिने स्वच्छ प्रतिस्पर्धा हो। कहि नभएको जात्रा हाडि गाउमा भनेको जस्तो स्वतन्त्र विद्यार्थी को चुनावमा पनि गठबन्धन गर्ने कुरा हास्यास्पद र विद्यार्थीको भावना विपरित छ। स्ववियुको इतिहास र यसको महत्वलाई जोगाइ राख्न पनि स्वतन्त्र रुपमा स्वच्छ प्रतिस्पर्धा गर्न दिनु पर्दछ।
नेपाल विद्यार्थी सघं ले स्ववियुमा उम्मेदवार चयन गर्दा नेताका घरमा धाउने होइन क्याम्पसमा धाउने तथा विद्यार्थी हक हित को लागि लड्ने विद्यार्थी नेतालाइ उम्मेदवार छनौट गरोस।
