२४ फागुन,काठमाडौँ। चन्द्रागिरि केबलकार प्रालिले भोलि बुधबार १ सय जना महिला यात्रुलाई २ सय रुपैयाँमै केबलकारको टिकट उपलब्ध गराउने भएको छ ।
अन्तर्राष्ट्रिय महिला दिवसको अवसर पारी कम्पनीले यस्तो घोषणा गरेको हो । कम्पनीका अनुसार सर्वप्रथम टिकट लिने एक सय जना महिलाले यो अफर पाउने छन् । महिला दिवसको अवसर पारी विभिन्न व्यावसायिक संघसंस्थाले यस्तो छुट अफर ल्याउने गरेका छन् ।
सरकारले सार्वजनिक बिदा लिएकाले पनि आजको दिन घुमघामका लािग उत्तम मानिएको छ । मौसममा अचानक आएको परिवर्तनप्रति भने सजग हुनुपर्ने देखिएको छ ।
