काठमाडौं । श्रीमान शरद भेषावकरविरुद्ध अंश मुद्दा हालेको खबरकाबीच अभिनेत्री निशा अधिकारीले आफूहरूको सम्बन्ध ठीकठाक चलिरहेको बताएकी छन् । अत्यन्त परिपक्वता र करुणाका साथ सबैभन्दा राम्रो विकल्पमा काम गरिरहेको उनको भनाइ छ ।

निशाले यो आफूहरूको निजी मामला भएको बताएकी छन् । अंश मुद्दा हाल्नुको कारणबारे केही खुलाएकी छैनन् । यो विषयलाई परिपक्वता र करुणाका साथ सुल्झाउने उनको भनाइ छ । स्टाटसमा उनले लेखेकी छन्, ‘म न त लुकाउने छु न त धेरै व्याख्या गर्न जाँदै छु। यो हाम्रो व्यक्तिगत मामिला हो र हामी अत्यन्त परिपक्वता र करुणाका साथ सबैभन्दा राम्रो तरिकाले काम गरिरहेका छौँ।’

सामाजिक सञ्जालमा लामो स्टाटस लेख्दै निशाले आफूहरूबीचको सम्बन्धमा माया, सम्मान र करुणा रहेको पनि दाबी गरेकी छन् । उनले श्रीमानविरुद्ध अंश मुद्दा हाल्नुको कारण खुलाएकी छैनन्, बरु यो आफूहरूको निजी मामिला रहेको बताएकी छन् ।

उनले सबैले नक्कल गर्न नसकिने विभिन्न व्यक्तिका अनुभवहरूप्रति हामी कत्तिको दयालु र स्वीकार्य छौँ भनेर गहन रूपमा सोच्न जरुरी रहेको बताएकी छन् ।

उनले अंग्रेजीमा लेखेको स्टाटसको भावानुवाद:

म न त लुकाउने छु न त धेरै व्याख्या गर्नेछु। यो हाम्रो व्यक्तिगत मामिला हो र हामी अत्यन्त परिपक्वता र करुणाका साथ सबैभन्दा राम्रो तरिकाले काम गरिरहेका छौँ। हामीले एउटा यस्तो समाज सिर्जना गर्न आवश्यक छ, जहाँ यस्ता मानिसहरू हुनुपर्छ,

• आफ्नो अधिकारबारे सचेत
• जो सहानुभूति खोज्दैनन् तर आफ्नो हृदय र दिमाग प्रयोग गरेर चिजहरू समाधान गर्नलाई प्राथमिकता दिन्छन्
• जो जिन्दगीमा जस्तोसुकै परिस्थिति आउँदा पनि मुस्कुराएर अगाडी बढ्न सक्छन्। अ नियोजित जीवन परिस्थितिहरूको साथ र विरुद्ध अगाडि बढ्न सामर्थ्य राख्छन्। साथसाथै हामीले यस्तो समाज निर्माण गर्नु जरुरी छ जसले यो आशा राख्दैनस्
• व्यक्तिहरू बिग्रिएको हेर्ने
•  जिम्मेवार नै नभएका चीजहरूमा माफी माग्नुपर्ने
• सहानुभूति र माया देखाए जस्तो गर्ने

हामी सबैले नक्कल गर्न नसकिने विभिन्न व्यक्तिका अनुभवहरूप्रति हामी कत्तिको दयालु र स्वीकार्य छौँ भनेर सोच्न र पुनस् सोच्न आवश्यक छ। त्यो हाम्रो विशिष्टता हो। त्यो स्वीकृतिले हामीलाई मानिसको रूपमा परिभाषित गर्दछ र सामूहिक रूपमा हामीलाई मायालु समाज निर्माण गर्न नेतृत्व गर्दछ।

म, शरद र युवान ठिक छौ र सम्पूर्णमा अथाह माया, सम्मान र करुणा प्रकट गर्न चाहन्छौ। आशा छ कि तपाईँको होली सुखद बित्यो।

अधिकारीले काठमाडौं जिल्ला अदालतमा दायर गरेको अंश मुद्दामा अदालतले सम्पत्तिको फाँटवारी गर्न आदेश दिइसकेकाे छ । अधिकारीले नाबालक छोरालाई समेत अंश भाग लगाउनुपर्ने माग गरेकी छन् । क्रिकेटर शरदले भने यसबारे कुनै टिप्पणी सार्वजनिक गरेका छैनन् ।

प्रेम सम्बन्धमा रहेका अधिकारी र भेषावकरले २०७४ मा विवाह गरेका थिए । २०७५ मा निशाले अमेरिकामा छोरालाई जन्म दिएकी थिइन् । अहिले भने उनीहरू नेपालमा नै बसोबास गर्दै आएका छन् ।