१९ मंसिर, बुटवल । नेपाली काँग्रेसको लुम्बिनी प्रदेश नेतृत्व चयनका लागि मतगणना जारी भइरहेको छ।
कांग्रेस लुम्बिनी सभापतिमा वरिष्ठ नेता रामचन्द्र पौडेल पक्षका अमरसिंह पुनले अग्रता कायमै राखेका छन् । ९८६ मत गणना हुँदा पुनले ५२३ मत प्राप्त गरेका छन् । सभापति शेरबहादुर देउवा निकट भरत शाहले ४३३ मत पाएका छन् ।
प्रदेशको नेतृत्वको लागि शनिबार मतदान भए पनि आइतबार बिहानबाट मत गणना सुरु भएको थियो। निर्वाचनमा १६३१ मत खसेको थियो। अन्य पदाधिकारीमा पनि पुन प्यानलले नै अग्रता कायम गरेको छ।
