५ फागुन, काठमाडौं । नेकपा एमालेका अध्यक्ष केपी शर्मा ओली र नेपालका लागि चिनियाँ राजदूत चेन सोङबीच भेटवार्ता भएको छ ।
उनीहरूबीच द्विपक्षीय हितका विषयमा छलफल भएको हो। राजदूत सोङले नेपालको राजनीति र राष्ट्रपति निर्वाचनबारे ओलीसँग जिज्ञासा राखेको स्रोतको भनाइ छ। राष्ट्रपति निर्वाचनका कारण सत्ता गठबन्धन संकटमा रहेको बेला राजदूत सोङ र ओलीबीच वार्तालाई अर्थपूर्ण रूपमा हेरिएको छ।
प्रधानमन्त्री पुष्पकमल दाहाल प्रचण्ड र ओलीबीचको भेट सकिएको केही समयपछि ओलीलाई भेट्न चिनियाँ राजदूत बालकोट पुगेका हुन् ।
