११ माघ, सुर्खेत। कर्णाली राजमार्गको जुम्ला सुर्खेत सडक खण्ड अन्तर्गत कालिकोटको सडक अवरुद्ध भएको छ ।
कालिकोटको तिलागुफा नगरपालिका-४ राचुलीस्थित हिमपातपछि पहिरो जाँदा सडक अवरुद्ध भएको कालिकोटका प्रहरी नायव उपरीक्षक जयश्वर रिमालले जानकारी दिएका छन् । वुधबार ११ः४५ बजे पहिरोले राजमार्ग अवरुद्ध भएको उनले बताए ।
उनका अनुसार जुम्लाबाट नेपालगन्जतर्फ जाँदै गरेको वागमती प्रदेश २९५८ नम्बरको मिनी बस गाडी पहिरोमा फसेको छ । नाग्मको प्रहरी टोलीले सडक खुलाउने प्रयास गरिरहेको रिमालले जनाकारी दिए ।
