८ माघ, काठमाडौँ। नेपाली कांग्रेसकाे संस्थापनइतर समूहमा समूहकाे नेता काे हाे भन्ने कुरा स्पष्ट हुनुपर्ने आवाज उठेकाे छ ।
टिम एक ढिक्का हुन नसक्दा शक्ति कमजाेर भएकाे भन्दै समूह नेता काे हाे भन्ने स्पष्ट हुनुपर्ने आवाज शेखर–समूहकाे भेलामा उठेकाे हाे । अनुपम फुडल्याण्डमा जारी बैठकमा एक नेताले समूह नेता शेखर काेइराला कि गगन थापा भन्नेमै अलमल हुँदा संसदीय दलकाे निर्वाचनमा कमजाेर नतिजा आएकाे बताए ।
उनले भने, ‘संसदीय दलमा हाम्रो पक्षको मत किन एकीकृत हुन सकेन ? किन मत कम आयो ? टिम भनेर लागेपछि टिममा भोट आउन पर्याे नि ।
कि टिम भनेर हिँड्न भएन, टिमको नेताको हो भन्ने स्पष्ट हुनपर्छ, अन्तिम समयसम्म उम्मेदवारी टुंगो लगाउन ढिलाइ भयो । शेखर कि गगन भन्नेमा किन अलमल भयौँ ? यसरी हाम्रो शक्ति कमजोर हुन्छ । अलमलमा नपरौँ नपारौँ ।’
