७ माघ, सुर्खेत । हुम्लाको चंखेली गाउँपालिकाका अध्यक्ष प्यारीलाल शाही नेपाली कांग्रेसमा प्रवेश गरेका छन्।
उनलाई शनिबार वीरेन्द्रनगरमा आयोजित कार्यक्रममा नेपाली कांग्रेसका केन्द्रीय कार्यसम्पादन समितिका सदस्य एवम् केन्द्रीय सदस्य जीवनबहादुर शाहीले पार्टी प्रवेश गराएका हुन् । उनी स्वतन्त्रबाट चुनाव लड्नु पहिले कांग्रेसको महासमिति सदस्य, जिल्ला पार्टी सह सचिव थिए ।
२०७९ बैशाखमा भएको निर्वाचनमा उनी गठबन्धनलाई पराजित गरेर गाउँपालिका अध्यक्षमा स्वतन्त्र उम्मेदवार बनेर निर्वाचित भएका थिए।
गाउँपालिका अध्यक्ष शाहीलाई शनिबार वीरेन्द्रनगरमा आयोजित कार्यक्रममा नेपाली कांग्रेसका केन्द्रीय कार्यसम्पादन समितिका सदस्य एवम् केन्द्रीय सदस्य जीवनबहादुर शाहीले पार्टी प्रवेश गराए।
कार्यक्रममा कांग्रेस केन्द्रीय सदस्य शाहीले हुम्लामा कांग्रेस मजबुत रहेको बताउँदै अझ पार्टीलाई सुदृढ गर्दै जानुपर्ने बताए। उनले कांग्रेस पार्टीमा शाहीको भूमिका महत्वपूर्ण भएको बताउँदै आगामी दिनमा अझ सक्रिय भएर लाग्न आग्रह गरे।
पार्टी प्रवेश गर्दै शाहीले नेपाली कांग्रेसलाई मजबुत बनाउन लागिपर्ने बताए। उनले पार्टीको विधि, विधान र अनुशासनमा रहेर काम गर्ने बताए।
