४ पुस, काठमाडौं। प्रतिनिधिसभाको सभामुखका लागि उम्मेदवारी दर्ता आज हुँदैछ । सभामुखमा उम्मेदवारी दर्ताका लागि बुधबार दिउँसो १ बजेदेखि चार बजेसम्मको समय निर्धारण गरिएको संघीय संसद सचिवालयले जनाएको छ ।

संघीय संसद सचिवालयका अनुसार बुधबार दिउँसो १ बजेदेखि अपरान्ह ४ बजेसम्म मनोनयन दर्ताका लागि समय दिइएको छ।

त्यसलगत्तै आजै उम्मेदवारको सूची सार्वजनिक गर्ने कार्यतालिका छ। सभामुख चयनका लागि बिहीबार बिहान ११ बजे बस्ने प्रतिनिधि सभा बैठकमा प्रस्ताव पेश गरिनेछ। सभामुख हुन सांसद हुनुपर्ने व्यवस्था छ। प्रतिनिधि सभामा २७५ जना सांसद छन्।