१६ पुस, काठमाडौँ। पोर्चुगलका स्टार फुटबलर ३७ वर्षीय क्रिस्टियानो रोनाल्डो साउदी अरेबियन टोली अल नसरमा अनुबन्धित भएका छन् ।
एक विवादास्पद अन्तर्वार्तापछि म्यानचेस्टर युनाइटेडबाट निकालिएका रोनाल्डोले अल नासरसँग २०२५ सम्मका लागि सम्झैता गरेका हुन् । रोनाल्डोले फुटबल इतिहासकै सबैभन्दा ठूलो पारिश्रमिक प्रतिवर्ष १७ करोड ७० लाख पाउन्ड भन्दा बढी रहेको बीबीसीले जनाएको छ ।
यो विश्व फुटबल इतिहासमै खेलाडीले पाएको उच्च रकम हो ।करार बाँकी रहँदै म्यानचेस्टर युनाइटेडसँग असझदारी भएपछि क्लब छाडेका उनले अब साउदीको अल नासरमा सन् २०२५ सम्म करार रहनेछ ।
सम्झौतापछि रोनाल्डोेले फरक देशमा नयाँ फुटबल लिग अनुभव गर्न आफू उत्सुक रहेको प्रतिकृया दिएका छन् ।पाँच पटकको बालेन डी’ओर विजेता रोनाल्डो १२ वर्षपछि युनाईटेड फर्किएका थिए । यस अघि रोनाल्डोले सन् २००३ देखि ९ सम्म युनाईटेडबाट खेलेका थिए ।
उनले युनाईटेडबाट २ सय ९२ खेलमा १ सय १८ गोल गरेका थिए । त्यस समय उनले युनाईटेडबाट तीन प्रिमियर लिग, एक च्याम्पियन्स लिग, दुई लिग कप र एक एफए कप जितेका थिए। रोनाल्डो इंग्लिस क्लब छाडेर २००९ मा स्पेनिस क्लब रियल मड्रिड गएका थिए । रियलमा ९ सिजन बिताएर रोनाल्डो २०१८ मा युभेन्ट्स आएका थिए । युभेन्ट्सबाट उनी पुनः ओल्ड ट्राफोर्ड आएका थिए ।
