९ पुस, काठमाडौं। बालुवाटारमा सत्ता गठबन्धनको सहमति नभएपछि नेपाली कांग्रेसले नेकपा एमालेसँग सम्वाद अगाडि बढाएको छ।
गठबन्धनको बैठकलगत्तै प्रधानमन्त्री शेरबहादुर देउवाले कांग्रेस नेता विमलेन्द्र निधिलाई बालकोट पठाएका छन्।शनिबार प्रधानमन्त्री निवास बालुवाटारमा बसेको सत्ता गठबन्धनको बैठक सकरात्मक नभएपछि प्रधानमन्त्री तथा कांग्रेस सभापति शेरबहादुर देउवाले नेता विमलेन्द्र निधिलाई एमाले अध्यक्ष केपी शर्मा ओलीसँग भेटका लागि बालकोट पठाएका छन् । निधि देउवाको दूत बनेर अहिले बालकोट पुगिसकेका छन् । निधि र ओलीबीच छलफलसमेत भएको छ । तर, के कुरा भयो भन्नेबारे भने केही खुलेको छैन ।
