काठमाडौं । बलिउड अभिनेता विवेक ओबरोयले नेकपा (माओवादी केन्द्र)का अध्यक्ष पुष्पकमल दाहालसँग भेटवार्ता गरेका छन् ।
नेपालमा भ्रमणमा रहेका अभिनेता विवेक आफ्नो बुवा तथा टेलिभिजन पर्सनालिटी सुरेश ओबरायसँगै अध्यक्ष दाहाललाई भेट्न खुमलटार पुगेका हुन् ।
हिजो मात्रै परिवारसहित नेपालमा आइपुगेका ओबरोय बाबु–छोरा र अध्यक्ष दाहालबीचको भेटवार्ताको तस्वीर दाहालपुत्री गंगा दाहालले सामाजिक सञ्जालमार्फत् सार्वजनिक गरेकी छन् । सार्वजनिक तस्वीरमा ओबरोय बाबु–छोरा ढाका टोपीमा सजिएका छन् ।
बुधबार हिजो मात्रै परिवारसहित नेपाल भ्रमणमा आएका अभिनेता ओबरायले यस अगाडि चन्द्रगिरी हिल्सको भ्रमण गरेका थिए ।
