२४ मंसिर, अर्घाखाँची । शितगंगा नगरपालिका-२ झोलुंगे पेल नजिकै कार दुर्घटना हुँदा ५ जना घाइते भएका छन् । ग ३ च १५७९ नम्बरको कार दुर्घटना हुँदा घाइते भएका ५ जना मध्ये ३ जनाको अवस्था गम्भीर रहेको प्रहरीले जनाएको छ ।
घाइतेमध्ये २ जनाको अवस्था गम्भीर रहेकोमा प्राथामिक उपचार केन्द्र ठाडामा सामान्य उपचारपछि बुटवल रिफर गरिएको जिल्ला प्रहरी कार्यालय अर्घाखाँचीका प्रहरी प्रहरी निरिक्षक अर्जुन पौडेलले जानकारी दिए ।
तनहुँ आँबुखैरेनीका एकै घरका परिवार सुपादेउराली दर्शन गर्न आएका थिए । घाइते हुनेहरूमा आँबुखैरेनीका २८ वर्षीय शिशिर त्रिपाठी, ५१ वर्षीया अन्शु त्रिपाठी,५५ वर्षीय लक्ष्मी त्रिपाठी, २५ वर्षीय प्रकृति त्रिपाठी र ३२ वर्षीय चालक सिसन त्रिपाठी रहेको प्रहरीले जनाएको छ ।
घाइतेको प्राथमिक स्वास्थ केन्द्र ठाडामा उपचारपछि थप उपचारका लागि बुटवल पठाइएको छ ।
