५ मङ्सिर, गोरखा। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ अध्यक्ष रहेको गोरखा निर्वाचन क्षेत्र नम्बर–२ को मतगणना ढिला गरी सुरू भएको छ ।
सोमबार साँझ सर्वदलीय बैठक बसेर मतगणना सुरू गरिएको हो । मतगणना गोरखा नगरपालिका वडा नम्वर ९ दलभञ्जाङस्थित भूतथा जलाधार व्यवस्थापन कार्यालयमा भइरहेको छ ।
पहिलो चरणको मतगणनामा ६ वटा मतपेटिका खोलिएको छ । अहिले सुरुमा बारपाक सुलिकोट, अजिरकोट र सिरानचोक गाउँपालिकाका केही वडाहरुको प्रतिनिधि सभातर्फको मतपेटिका खोलेर मतगणना सुरू गरिएको छ ।
गोरखा क्षेत्र–२ मा ५३ हजार ९७८ मत खसेको छ । उक्त क्षेत्रमा माओवादी अध्यक्ष प्रचण्ड र एमालेका उम्मेदवार अब्दुस मियाँबीच कडा प्रतिस्पर्धा हुनेछ ।
