५ मङ्सिर, माेरङ। माेरङकाे क्षेत्र नम्बर ६ मा सत्ता गठबन्धनका कांग्रेसका नेता डा.शेखर काेइरालाले सुरूवाती अग्रता लिएका छन् ।
क्षेत्र ६ मा १ हजार ६७४ मत गणना हुँदा काेइरालाले ७२१, एमालेका निवर्तमान सांसद लालबाबु पण्डितले ५३४, राप्रपाका गाेपाल कटुवालले १०१, राष्ट्रिय स्वतन्त्र पार्टीका यादव प्रधानले १९२ मत ल्याएकाे मुख्य निर्वाचन अधिकृतकाे कार्यालयले जनाएकाे छ ।
माेरङ ५(१) मा कांग्रेसका गयानन्द मण्डल र क्षेत्र ६(१) मा एमालेकी रीता न्याैपानेले प्रदेशसभा सदस्यमा सुरूवाति अग्रता लिएका हुन् । क्षेत्र ५ मा २ हजार ९३६ मतगणना हुँदा स्वतन्त्र उम्मेदवार याेगेन्द्रले १ हजार ५७२, सत्ता गठबन्धन दल माओवादी केन्द्रका निवर्तमान सांसद शिवकुमार मण्डलले ६७६, जनता समाजवादी पार्टीका राजकुमार यादवले २९९ मत प्राप्त गरेका छन् ।
यस्तै, क्षेत्र ५(१) प्रदेशसभा सदस्यमा कांग्रेसका गयानन्दले १ हजार २१९, एमालेका सन्ताेषकुमार साहले ८४८, राप्रपाकी साेनल कुमारी गुप्ता साहले २२५ मत ल्याएका छन् ।
