११ कार्तिक, हेटौंडा । हेटौंडाका वरिस्ठ पत्रकार कौशल पाण्डेको ७५ वर्षको उमेरमा बिहीबार साँझ निधन भएको छ। हेटौंडा-४ कमलडाँडास्थित निवासमा उनको बिहीबार साँझ निधन भएको पारिवारिक स्रोतले जनाएको छ।
पाण्डेको अन्त्येष्टि शुक्रबार नै गरिने पत्रकार महासंघ मकवानपुरका अध्यक्ष मणिराज गौतमले जानकारी दिए। लिभर सिरोसिसको कारण केही महिनाअघि उनको शल्यक्रिया गरिएको थियो।
पाण्डे २०५८ सालमा नेपाल पत्रकार महासंघ मकवानपुर शाखाको अध्यक्ष भएका थिए। उनको प्रकाशन सम्पादनमा मकवानपुरको पुरानोमध्येको एक ‘प्रयास अर्धसाप्ताकि’ प्रकाशन हुँदै आएको छ ।
