२८ जेठ, काठमाडौं। एसिया युरोप राजनीतिक फोरमको अध्यक्षमा आगामी दुई वर्षका लागि नेकपा एमालेका विदेश विभाग प्रमुख तथा स्थायी कमिटी सदस्य डा. राजन भट्टराई निर्वाचित भएका छन् ।
चेक रिपब्लिकको राजधानी प्रागमा शनिवार सम्पन्न बैठकले एमाले नेता भट्टराईलाई अध्यक्ष चयन गर्दै आगामी वर्षको एसिया युरोप राजनीतिक फोरमको वार्षिक कार्यक्रम नेपालमा गर्ने निर्णय समेत भएको छ ।
विश्वभरका राजनीतिक दल सहभागी सो संगठनमा यसअघि नेपालबाट केपी ओली, झलनाथ खनाल र माधव नेपालले प्रतिनिधित्व गरिसकेका छन् भने अहिले डा. भट्टराई छन् । प्रागमको भेलामा करीव ३० देशका विभिन्न पार्टीका प्रतिनिधि सहभागी रहेको भट्टराईले बताए ।
