३० चैत, काठमाडौं । प्रतिनिधि सभामा सबभन्दा ठूलो पार्टी नेकपा एमाले र भर्खरै गठन भएको राप्रपा नेपालबीच वैशाख ३० गते हुने स्थानीय तह निर्वाचनमा चुनावी तालमेलको सहमति भएको छ ।
एमालेका स्थानीय विकास विभाग प्रमुख देवेन्द्र दाहाल र राप्रपा नेपालका स्थानीय निकाय परिचालन विभागका प्रमुख सुशीलकुमार श्रेष्ठले ५ बुँदे सहमतिमा गठबन्धनको हस्ताक्षर गरेका छन्।
देशभरिका तालमेल सम्भव भएका पालिकाहरुमा आपसी तालमेल गरेर उम्मेदवार उठाउने एमाले र राप्रपा नेपालबीच भएको सहमतिपत्रमा उल्लेख छ। सहमति अनुसार राप्रपा नेपालका उम्मेदवारले सूर्य चिह्न लिएर चुनाव लड्ने भएका छन्।
