११ चैत, काठमाडौँ । हप्ताको अन्तिम दिन नेपाली बजारमा सुनको मूल्य बढेको छ ।
बिहिबार प्रतितोला १ लाख ३ सय रुपैयाँ कायम भएको छापावाल सुनको भाउ शुक्रबार ६ सय रुपैयाँले बढेर १ लाख ९ सय रुपैयाँमा कारोबार भैरहेको छ । तेजावी सुनको भाउ तोलाको १ लाख ४ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएका छन् ।
यसैगरी आज चाँदीको मूल्य पनि बढेको छ । बिहिबार प्रतितोला एक हजार ३७५ रुपैयाँमा कारोबार भएको चाँदी शुक्रबार २५ रुपैयाँले बढेर एक हजार ४ सय रुपैयाँ मूल्य निर्धारण भएको महासंघले जनाएको छ ।
