७ चैत, काठमाडौं । नेपाली बजारमा आज सुनको मूल्य बढेको छ ।
आइतबार प्रतितोला ९९ हजार २ सय रुपैयाँ कायम भएको छापावाल सुनको भाउ सोमबार ३ सय रुपैयाँले बढेर ९९ हजार ५ सय रुपैयाँमा कारोबार भैरहेको छ । तेजावी सुनको भाउ तोलाको ९९ हजार रुपैयाँ कारोबार भइरहेको नेपाल सुनचाँदी व्यवसायी महासंघले जनाएको छ।
यसैगरी आज चाँदीको मूल्य भने स्थिर रहेको छ । आइतबार प्रतितोला एक हजार ३७५ रुपैयाँमा कारोबार भएको चाँदी सोमबार पनि सोही मूल्य निर्धारण भएको महासंघले जनाएको छ ।
