दुर्घटनारहित होली पर्व बनाउन महाशाखाले उपत्यकाको सुरक्षा व्यवस्था कडा पारेको थियो। महाशाखाले होली मनाउने क्रममा हुन सक्ने सम्भावित दुर्घटनाको जोखिमलाई मध्यनजर गर्दै उपत्यकाको विभिन्न ६८ स्थानमा चेक प्वाइन्टहरु राखेर बिहानदेखि नै कडा चेकजाँचको व्यवस्था मिलाएको थियो।

महाशाखाका प्रमुख प्रहरी वरिष्ठ उपरीक्षक उमेशराज जोशीले रंगहरूको पर्वमा सबै जना फेस्टिभ मूडमा हुने, होहल्ला गरी सवारी चलाउने, नशालु पदार्थको सेवन गरी सवारी चलाउँदा दुर्घटनाको जोखिम उच्च रहने कुरालाई मध्यनजर गरेर बिहानैदेखि चेक प्वाइन्ट राखी चेकिङलाई कडा पारिएको बताए ।