बुटवलः बुटवल–पाल्पा सडकखण्ड अन्तर्गत पाल्पाको तानसेन नगरपालिका ८ स्थित भालेबासमा बसको ठक्करबाट स्कुटर चालकको मृत्यु भएको छ। मृत्यु हुनेमा माथागढी गाउँपालिका–२ खहरेका २७ वर्षीय ऋषिकेश सारू रहेका छन् ।
आइतबार दिउँसो बुटवलबाट पाल्पातर्फ आइरहेको लु २ ख ८३५ नम्बरको बसले पाल्पाबाट बुटवलतर्फ गइरहेको लु ७७ प २२०२ नम्बरको स्कुटीलाई ठक्कर दिदा स्कुटी चालक सारू गम्भीर घाइते भएका थिए ।
बसको ठक्करबाट स्कुटी चालक गम्भीर गम्भीर घाइते भएका थिए । उनको उपचारको क्रममा तानसेनस्थित लुम्बिनी मेडिकल कलेजमा मृत्यु भएको छ । ठक्कर दिने बस र चालकलाई नियन्त्रणमा लिएर थप अनुसन्धान भइरहेको उनले बताए ।
