२१ फागुन, काठमाडौं । राष्ट्रिय प्रजातन्त्र पार्टी राप्रपाका अध्यक्ष राजेन्द्र लिङ्देनले पूर्व अध्यक्ष कमल थापा पार्टीको बैचारिक मान्यतालाई त्यागेर अर्को पार्टीमा प्रवेश गरेको टिप्पणी गरेका छन् ।
अध्यक्ष लिङ्देनले आफूमाथि प्रवित्तिगत प्रश्न उठाउदै कमल थापा बाहिरीनु नै उनको गलत मनासाय भएको बुझन सकिने बताए । राप्रपाले प्रजातान्त्रिक विधिमार्फत महाधिवेशनमा नेतृत्व चुनिरहेको बेला थापाले पार्टी छोड्नु नै उहाँको पार्टी सिद्धान्त र मान्यताबाट विचलित भएको बुझ्न अध्यक्ष लिङ्देनले आग्रह गरे ।
‘हामीले पार्टीको विचार र सिद्धान्तमा प्रतिबद्ध छौँ । उनले पार्टीको वैचारिक मान्यतालाई त्यागेर नयाँ पार्टीमा प्रवेश गरेका छन् । उनीप्रति टिप्पणी गर्न चाहन्न । हामीलाई खरव प्रवित्तिको भने,’ उनले भने, ‘नेपालको समकालीन राजनीतिमा राप्रपा पार्टीमात्रै यस्तो पार्टी भयो । जसले आफ्नो प्रजातान्त्रिक नेतृत्वको चयन गर्यो।’
उनले राप्रपाले प्रजातान्त्रिक पद्धतिबाट नेतृत्वको चयन मात्रै नगरेको भन्दै नेतृत्वमा नयाँ पुस्ता आउनुपर्छ भन्दै माग राख्ने एक जमातको समेत नेतृत्व गरेको दावी गरे।
