काठमाडौं । पछिल्लो समय निकै चर्चा परिचर्चा बटुल्न सफल मोडेल हुन्-ललित विश्वकर्मा । उनी कर्णाली लोक तथा देउडा गीतमा जमेका मोडेल हुन् । उनका एकपछि अर्को म्युजिक भिडियो बजारमा आएका छन् ।
उनी कर्णालीका चर्चित मोडेल तथा निर्देशक हुन् । विश्वकर्माले बजारमा फेरी एक देउडा गीत ल्याएका छन् । उनको आज बिहिबार नयाँ देउडा गीत ‘कर्णालीको लाटो’ बोलको म्युजिक भिडियो आमा डट कममार्फत सार्वजनिक भएको छ । 
सुदूर तथा कर्णालीकी चर्चित गायिका रेखा जोशी र गायक तिलक बुढाको स्वर रहेको छ । खगेन्द्र न्यौपानेको शब्द रहेको गीतमा चर्चित गायक तथा संगीतकार धर्मराज न्यौपाने (शिशिर)ले संगीत भरेका छन् । 
भिडियोमा विश्वकर्मा र कल्पना ढुंगानाको अभिनय रहेको छ । गीत कर्णालीको वास्तविक र ठट्यौली गीत निर्मण तिम्ले बजारमा ल्याएको छ । भिडियो निकै उत्कृष्ट देखिएको छ । कालिकोटको चिल्खाया रूडु बन्चुमा छायांकन भएको हो । भिडियोमा कालिकोटको सुन्दरलाई समेत उठान गरेको छ । 
खगेन्द्र न्यौपानेद्वारा छायांकन भएको भिडियोलाई सरला रोकाया (न्यौपाने)ले सम्पादन गरेकी छिन् । भिडियोलाई खगेन्द्र न्यौपानेले नै निर्देशन गरेका हुन् ।
