१९ माघ, काठमाडौँ। अन्तर्राष्ट्रिय बजारमा पेट्रोलियम पदार्थको मूल्य बढेसँगै निगम घाटामा जान थालेको छ । आन्तरिक बजारमा पेट्रोलियम पदार्थको मूल्य समायोजन गरे पनि निगमको घाटा न्यूनीकरण भने हुनसकेको छैन ।
पेट्रोल, डिजल र मट्टितेलको भाउ प्रतिलिटर ३/३ रुपैयाँले बढाएको हो ।अब एक लिटर पेट्रोलको भाउ १ सय ४२ रुपैयाँ पर्ने भएको हो । डिजेल र मट्टितेलको मूल्य १२५ पुगेको छ । पेट्रोलियम पदार्थको मूल्य नेपालमा अहिलेसम्मकै महगो भएको छ ।
यसभन्दा पहिला २०७० मा १४० रुपैयाँ प्रति लिटरसम्म पुगेको थियो । निगमले यसअघि माघ ५ गते तेलको भाउ बढाएको थियो । यस्तै, आन्तरिक हवाई इन्धनमा प्रतिलिटर १० रुपैयाँ बढेको छ । योसँगै हवाइ इन्धनको मूल्य प्रतिलिटर ११६ पुगेको छ । एलपी ग्यासको मूल्य भने यथावत राखिएको छ ।