८ माघ,काठमाडौं। निर्वाचन आयोगले राष्ट्रिय प्रजातन्त्र पार्टीको विधानबाट हिन्दू राष्ट्र एवं राज संस्था लगायतका शब्द हटाउन निर्वाचन आयोगले पत्र पठाएको छ।
आयोगले माघ २ गते पठाएको पत्र राप्रपा नेता कमल थापाले शनिबार सार्वजनिक गरेका हुन्। आयोगको पत्रमा भनिएको छ- विधानको प्रस्तावनाको बुँदा ४ मा उल्लेखित ‘सनातन हिन्दू राष्ट्र एवं राज संस्थासहितको प्रजातन्त्रको मान्यता अभिवृद्धि गर्न र कायम गर्न’ भन्ने वाक्यांश नेपालको संविधानको प्रस्तावना एवं भावनाको प्रतिकूल देखिएकाले सो वाक्यांश हटाइ नेपालको संविधानको धारा २६९ तथा राजनीतिक दलसम्बन्धी ऐन, २०७३ अनुकूल हुने गरी उल्लेख गर्नु हुन।
