काठमाडौँ। नेपाल ट्रेडिसनल कुङ्ग फु सोसाइटीद्वारा आयोजित पहिलो उपत्यकाव्यापी ट्रेडिसनल कुङ्ग फु प्रतियोगिता काठमाडौंको चन्द्रागिरि-३, थानकोटमा सम्पन्न भएको छ। शुक्रबारदेखि दुई दिनसम्म चलेको प्रतियोगितामा करिब २०० खेलाडीले भाग लिएका थिए।

प्रतियोगिताको मुख्य उद्देश्य ट्रेडिसनल कुङ्ग फु प्रवर्द्धन गर्दै शारीरिक तथा मानसिक स्वास्थ्य सुदृढ बनाउनु रहेको सोसाइटीका अध्यक्ष तथा प्रमुख प्रशिक्षक चन्द्र प्रसाद महर्जनले बताए।

प्रतिस्पर्धाका क्रममा ३२ स्वर्ण, ३२ रजत, र ४५ कांस्य पदक वितरण गरिएको थियो। पदक तालिकामा दक्षिणकाली ट्रेडिसनल कुङ्ग फु शाखा पहिलो, थानकोट ट्रेडिसनल कुङ्ग फु शाखा दोस्रो, र मंगलोदय स्कूल तेस्रो स्थानमा रहे।

हेर्नुहोस् प्रतियोगिताका झलकहरू