१८ माघ, काठमाडौं। राष्ट्रिय स्वतन्त्र पार्टीका उपसभापति तथा सांसद स्वर्णिम वाग्लेले संसद्को ढोका खुल्यो तर पीढीमा आएर बस मात्र भनेर सरकारले व्यवहार गरेको बताए ।
प्रतिपक्षी दलका नेता वाग्लेले घरमा ताल्चा लगाएर बाहिर बरालिएको नसुहाउने भन्दै सदन खुलाएकोमा सरकारलाई धन्यवाद दिए । शुक्रबारदेखि सुरु भएको हिउँदे अधिवेशनमा दलको तर्फबाट बोल्दै वाग्लेले यस्तो बताएका हुन् ।
उनले भने, “नयाँ शक्तिहरु चार चरणमा गुज्रिएको पाइन्छ । पहिलो बेवास्ता गर्ने, दोस्रो खिसीटिउरी गर्ने, तेस्रो आक्रमण गर्ने, हाम्रो पार्टीमा पनि त्यही भइरहेको छ । भिषण आक्रमण भइरहेको छ । चौथो चरण भनेको चाँडै आउँछ ।”
रास्वपाले सभामुख देवराज घिमिरेलेलाई सुरुमा बोल्न नदिएको भन्दै २५ मिनेट संसद् अवरोध गरेर १५ मिनेट बहिस्कार गरेको थियो ।
