यातायात व्यवसायीले कोभिड–१९ प्रकोप अवधिभर सार्वजनिक यातायात सञ्चालन निर्देशिका, २०७७ को स्वास्थ्य मापदण्ड प्रभावकारी ढंगले पालना नगर्दा जोखिमपूर्ण यात्रा गर्न बाध्य छन्।व्यवसायीले निर्देशिकाको धज्जी उडाउँदै बिहान र बेलुकाको पिक आवरमा सिट क्षमताभन्दा धेरै यात्रु कोचेर यात्रा गराइरहेका छन्। त्यति मात्रै होइन, काठमाडौं उपत्यकामा चल्ने अधिकांश सार्वजनिक सवारी साधनमा सेनिटाइजरसमेत राखेको हुँदैन।
बिरलै चालक, सहचालकले मास्क लगाएको देखिन्छ। अनुगमन गर्ने निकाय महानगरीय ट्राफिक प्रहरी महाशाखा र यातायात व्यवस्था विभागको हेलचक्र्याइँले उपत्यकामा कोरोना संक्रमण उच्च हुने जोखिम बढेको आजको नागरिक दैनिकमा खवर छ ।
