११ भदौ, काठमाडौं । उपप्रधानमन्त्री एवं अर्थमन्त्री विष्णुप्रसाद पौडेलले मन्त्रीहरुलाई काम गर्न दबाब दिन आग्रह गरेका छन् ।मंगलवार काठमाडौंमा आयोजित एक कार्यक्रमलाई सम्बोधन गर्दै उहाँले यस्तो आग्रह गरेका हुन् ।
मंगलबार काठमाडौंको भृकुटीमण्डपमा नाडा अटो सो, २०२४ को उद्घाटन गर्दै अर्थमन्त्री पौडेलले काम गर्ने की भाषण गर्ने भन्ने असहजता मन्त्रीहरूलाई हुने गरेको भन्दै मन्त्रीले सुन्नैपर्ने र आउनैपर्नेबाहेकका कार्यक्रममा बोलाउनुभन्दा काम गर्ने वातावरण बनाइदिन आग्रह गरे ।
न आऊँ यथोचित आधार मर्यादा भएन भन्ने लाग्छ । आऊँ समय भाषण गर्नमा व्यतीत हुन्छ । त्यसकारण अर्थमन्त्रीले सुन्नेपर्ने, गर्नैपर्ने र आउनै पर्ने बाहेकका काम गर, भाषण कम गर भनी सहजीकरण गरिदिनहुन सादर अनुरोध गर्दछु ।’ बोलाएको कार्यक्रममा नजाँदा यथोचित मर्यादा र आदर नभएको गुनासो आउने भन्दै कार्यक्रममा बोलाउने भन्दा काम गर्न, नीतिनियम बनाउने काममा लाग्न दबाब दिन निजी क्षेत्रलाई सुझाए ।
त्यस्तै, उनले नीतिगत स्थिरता सुरक्षित गर्ने हिसाबले वर्तमान सरकार अघि बढेको दाबी गरे । ‘अहिले बनेको सरकार संसद्ले बनाउने सबैभन्दा स्थिर सरकार हो । यो सरकारको स्थिरताले नीतिगत स्थिरताको एउटा बलियो आधार दिएको छ । त्यसैले हामीले नीतिगत स्थिरताको जुन डिमाण्ड छ, सरकारले जायज भन्छ । यो सरकार सबै नेपालीको हो ।’ उनको भनाइ थियो ।
