‘फर्की फर्की’ का निर्माता रोहित अधिकारीले केसीले तिरेको करको रसिद सार्वजनिक गरेका हुन् । अनमोलले फिल्मबाट पाएको ५० लाख पारिश्रमिक बापतको १५ प्रतिशत प्रत्यक्ष (टीडीएस) कर सरकारलाई तिरेका हुन् । यो सार्वजनिकीकरणसँगै अनमोलले ५० लाख रुपैयाँ पारिश्रमिक लिएको पुष्टि भएको छ।
सरकारलाई कर तिरेसँगै निकै राम्रो काम गरेको भन्दै यतिखेर अनमोलको तारिफ भइरहेको छ। किनकि नेपाली फिल्म क्षेत्रमा पारिश्रमिकबापत कर तिर्ने चलन खासै छैन।अनमोलसहित जसिता गुरुङको मुख्य भूमिका रहेको यो फिल्म गत जेठ १० गते रिलिज भएको थियो।
